Hari abahitanwa n’umutima kubera kutamenya ko wabafashe

Muri ibi bihe abantu benshi bahitanwa n’indwara y’umutima kubera kutamenya ibimenyetso ngo bivuze hakiri kare.

Indwara y’umutima ni imwe mu zitandura ariko ikaba ihitana abantu benshi, kubera kutamenya ibimenyetso byabereka ko umutima wagize ikibazo. Umunyamakuru w’amahumbezinews.rw yakoze ubushashatsi kuri iyi ndwara maze abavira imuzi ku bimenyetyso byakwereka ko umutima wawe ufite ikibazo, ukikurikirana hakiri kare urengera ubuzima bwawe.

Abenbshi batekereza ko indwara y’umutima ifata abantu bakuze gusa, nyamara n’abato bari gufatwa nayo, ibi bikaba bituruka ahanini ku buzima abantu babamo, bivuze ko haba mu mirire cyangwa mu byo banywa harimo uruhare runini rutera iyi ndwara.

Muri Amerika honyine ,abangana na 610.000 bahitanwa n’iyi ndwara buri mwaka nk’uko CDC (Center for Desease Control) ikigo gishinzwe gukumira no kurwanya indwara kibigaragaza.

Burya kugirango urugingo rw’umubiri rwangirike hari bimwe mui bimenyetso bibanza kwigaragaza n’ubwo hari abatabyitaho. Umutima rero nawo ujya kwangirika wabanje kugaragaza ibimenyetso bikurikira :

1. Kumva ufite iseseme udashaka kurya:

**Bamuhaye ibyo kurya ariko ntabishaka.**

Abarwayi b’umutima bashobora kubura ubushake bwo kurya cyangwa bakagira iseseme, hakaba n’ubwo ibi byose bizira rimwe . N’ubwo iki kimenyetso gishobora guturuka ku bundi burwayi butari umutima , iyo ari umutima kizanana n’uburibwe mu nda , biba byatewe n’uko amatembabuzi yagiye mu mwijima no mu mara ntatume igogorwa rikora neza, ukumva mu gifu urabangamiwe , ukumva wabyimbye inda.

2. Kumva ibintu bikurya mu maboko :

**Afite uburibwe mu maboko ahita agana muganga.**

Ku ruhande rw’abagabo ubu bubabare babwumva mu kaboko k’ibumoso , ni mu gihe umugore ashobora kubyumva mu maboko yombi.Abagore kandi bashobora kubugira mu nkokora y’akaboko k’iburyo mbere yo kurwara umutima.Ibi bisobanura ko ubububabare bw’umutima bujya mu ruti rw’umugongo aho imyakura ihurira. Hanyuma ubwonko bwacanganyukirwa ugatangira gutekereza ko urwaye za rubagimpande kandi atari zo ukajya wumva ubababara akaboko.

3.Inkorora idakira :

Inkorora idakira ni kimwe mu bimenyetso bigaragaza ko umutima wawe ufite ikibazo gikomeye, biba bitewe no kubura umwuka bitunguranye.Na none bikaba ko umutima uba utari gusunika amaraso nk’uko bikwiye.

4.Kubyimba amaguru mu bujana bw’ibirenge :

**Umutima ushobora kukubyimbya ibirenge**

Iyo umutima utari gusunika amaraso mu buryo bukwiye , amatembabuzi aba ari mu miyoboro y’amaraso atangira kujya mu bindi bice by’umubiri biwukikije, maze ibice byo hasi bigahita bibyimba kubera imbaraga rukuruzi z’isi (gravity).Ariko n’umwijima udakora neza ushobora kubitera cyangwa umuvuduko w’amaraso, kwicara igihe kinini cyangwa nanone bikaba ku mugore utwite.Ni ngombwa kubikurikirana rero ukamenya niba atari umutima ubigutera ukivuza kare.

5.Kwitura hasi :

Ibi biba bivuye ku kugira mu mutwe horoshye kubera ko haba hatageramo oxygene neza, kuko umutima uba udasunika amaraso neza umwuka ukabura.Ibi bikunda gufata abantu bari hejuru y’imyaka 60, haba habayeho ikibazo cy’umutima witwa cardiac Syncopy.

6.Kweruruka uruhu :

Mu buzima busanzwe hari abagira uruhu rwerurutse ariko iyo byakabije bivuga ko umutima wawe wagize ikibazo cyatewe n’uko amaraso atari gutembera neza mu mubiri keretse uramutse usanzwe ufite ikibazo cyo kubura amaraso urwaye anemia.

7.Kugira ibinya :

Ubushashatsi bugaragaza ko kuzana ibinya bya hato na hato bigaragaza ko umutima wawe ufite ikibazo , ibi bikaba byarasohotse muri journal of cardiology and clinical immunology.

8.Kubira ibyunzwe cyane :

**Kubira ibyuya uryamye byizana niyo haba mu ijoro cyangwa ku manywa.**

Ibi biza hatagendewe ku gipimo cy’ubushyuhe haba ku manywa cyangwa n’ijoro bikaba bikunda kugaragara ku bagore bakuze kurusha abagabo.Bikaba bikunda kuza mu ijoro umuntu aryamye ku buryo abyuka amashuka yatose. Bikunda kuza mu gahanga , mu biganza , mu ntoki no mu birenge.

9.Kubababara mu gatuza :

Iki ni ikimenyetso kerekana ko umutima udakora neza. Hari igihe biza bikomeye , bikajya byongera bikijyana.Akenshi ntubyumva mu gihe uryamye cyangwa wicaye ariko ni ikimenyetso kikwereka ko ugomba kugana kwa muganga.Iyo bikunze kukubaho cyane uzamenye ko umutima wawe ushobora no guhagarara.

Inama :Umuntu wese wibonyeho ibi bimenyetso agirwa inama yo kugana abaganga

Mu kiganiro cyihariye yagiranye na IGIHE, Inzobere mu kuvura indwara z’umutima w’abana Prof. Mucumbitsi Joseph, yavuze ko mu ndwara z’umutima zikomeje kwibasira abanyarwanda ziterwa n’umuvuduko mwinshi w’amaraso aho wihariye 16,2% ku bari hejuru y’imyaka 35, mu gihe imibare yo mu 2012 yari 15,6%.

Ishami rya Loni ryita ku Buzima, OMS, rigaragaza ko umuvuduko w’amaraso ugenzuwe neza, mu 2050 hazagera abagera kuri miliyoni 76 batacyicwa n’umutima, miliyoni 79 batakigira ikibazo cyo kutagera mu mutima kw’amaraso ndetse bigakuraho abantu, bagira ikibazo cy’umutima udatera bangana na miliyoni 17.