Nyuma y’imyaka ibiri ishize konti ya Donald Trump yasubijwe ku murongo.

Nyuma y’imyaka ibiri ishize,YouTube yasubije konte ya Donald Trump ku murongo yari yarahagaritswe kuri runo rubuga rw’amavidewo.

Donard Trump wahoze ari Perezida w’igihugu cya Leta zunze ubumwe za Amerika, yari yarahagarikiwe uburenganzira bwo gusohora amavidewo kuri Youtube mu kwezi kwa mbere 2021, aho yashinjwaga ko adakurikiza amategeko ngenderwaho y’uru rubuga.

Kuri ubu konti ya Trump ikaba yasubujwe ku murongo nyuma y’imyaka ibiri ishize ifunzwe, nk’uko byagaragaye aho byanditse kuri Twitter iti: “Kuva uno musi, konti ya Donald J. Trump yasubijwe ku murongo kandi ubu akaba ashobora gusohora izindi videwo.Iyi konte izakomeza gukurikiranwa kugira itazongera kwica amategeko ngenderwako yacu, kimwe n’izindi konte zose zo kuri YouTube.”

YouTube yahagaritse Trump kureka gusohora amavidewo aho we n’inshuti ze bari bateje akaduruvayo mu nama yari yateraniye i Washington DC mu mwaka wa 2021, mu gihe bagerageza kwemeza intsinzi ya Joe Biden mu matora y’umukuru w’igihugu yari iherutse. Ibi bikaba aribyo byatumye konti za Donard Trump haba kuri Facebook,Instagram ndetse na Twitter zari zarahagaritswe.

Gusa hari hashize igihe kitari gito Donard Trump yarashyizeho urundi rubuga ku giti cye yise Truth social nk’uko BBC dukesha aya makuru ibivuga.

Mu mwaka wa 2022, Trump yatangaje ko aziyamamariza na none kuba umukuru w’igihugu kuva icyo gihe konti ze zose zo kuri izi mbuga zisubizwa ku murongo.

Donard Trump afite inshuti zirenga miriyoni 2.6 ziyandikishije kuri konti ye ya YouTube, zriyongera kuri miriyoni 86 zimukurikirana kuri Twitter, miriyoni 34 zimukurikirana kuri Facebook ndetse na miriyoni 23 zimurikirana kuri Instagram. Bikaba bivugwa ko n’ubwo afite abamukurikira benshi , nta cyemeza ko azongera kunyuza amavidewo kuri YouTube.

Ariko ku munsi w’ejo , Trump akaba yaracishijeho ubutumwa buto kuri Facebook ku nshuro ya mbere nyuma y’iyo myaka ibiri ahagarikiwe konti ze , buri kumwe n’akavidewo gato agira ati:″NDAGARUTSE‶.